ernand859 Forum Moderator
Number of posts : 32 Age : 76 Location : Bacarra, Ilocos Norte Job/hobbies : Surfing the internet Registration date : 2008-09-01
| Subject: MANNURAT MAN KEN SAAN... INTAY AGPAPATANG Fri Sep 12, 2008 3:43 pm | |
| Dekada Sitenta idi kapadestayo a nagsursurat iti Bannawag, ti Biblia dagiti Ilokano. Ababa a sarita, salaysay ken dadduma pay. Nangatiwtay idi iti panagsurat iti salaysay nga inesponsoran ti Ilocos Norte Chinese Amity Club idi 1978. Da Apo Severino Pablo, retirado a librarian ti Ilocos Norte ken Dr. Cecilia Pacis-Aribuabo, agdama a Division Superintendent of Schools iti Ilocos Norte, dagiti kaduatay a nangabak.
Nag-segundo puestotay met ken ni Reynaldo Duque iti First One-Act Play Writing Contest nga inesponsoran ti Governor Roque Ablan Award for Iloco Literature (GRAAFIL) idi 1978 met laeng. Satay nagun-od ti maikatlo a puesto iti First Short Story Writing Contest nga inesponsoran ti GRAAFIL met laeng idi 1979. Nailian a pasalip dagitoy a nakipartisiparantayo. Nakikontes pay dagiti mannurat iti Hawaii ken Mainland USA.
30 tawen gayamen ti napalabas manipud idi.
Adu metten dagiti timmanor a mannurat a simmaruno kadatayo. No kayatyo a maasa dagiti talentoyo iti panagsurat iti Iluko, ipatulodyo dagiti manuskritoyo ditoy ket tulongandakayo. Daniw, ababa a sarita, salaysay--mayat amin.
Ala, mannurat man ken saan, intay ketdi agpapatang. Ibingayyo kadakami dagiti kapampanunotanyo ket agsisinnukattay iti panirigan.
Umaykayon!
ErnAnd859 | |
|